Kəmalə Alıyeva
“WhatsApp” 5 may 2025-ci il tarixindən etibarən iOS 15.1 və ya daha yenisini tələb edəcək şəkildə yenilənəcək.
İndex.az xəbər verir ki, bu dəyişikliklə “iPhone 5s”, “iPhone 6” və “iPhone 6 Plus” üçün yolun sonu olacağını deyə bilərik. Bir sözlə, bu “iPhone”ları olan istifadəçilər “WhatsApp”dan istifadəni davam etdirmək üçün smartfonlarını yeniləməli olacaqlar.
“WhatsApp” adətən belə hallarda istifadəçilərə əvvəlcədən bildirişlər göndərir. Beləliklə, istifadəçilər cihazlarını yeni versiyaya təkmilləşdirə, yeniləməni ala bilməyənlər isə birbaşa yeni cihaza keçə bilərlər. Daha yeni “iPhone”ları olan istifadəçilər üçün iOS 15.1 və ya daha yeni versiyaya yüksəltmək kifayətdir.