![“WhatsApp” ilk dəfə istifadəçilərin sayını rəsmi olaraq açıqladı!](https://index.az/wp-content/uploads/2023/08/WhatsApptan-yeni-guvenlik-onlemi.jpg)
“Meta”, xüsusilə ABŞ-da istifadəçilərin sayını mətbuatla paylaşmamaqda israr edirdi.
İndex.az xəbər verir ki, illərlə davam edən ənənəyə son qoyan “Meta”, ABŞ-da “WhatsApp”dan istifadə edən cihazların sayını rəsmi olaraq paylaşdı.
“Meta” şirkətinin baş direktoru Mark Zukerberq şirkətin ABŞ-da “WhatsApp” istifadəçilərini açıqlamamaq ənənəsini pozaraq öz “WhatsApp” hesabında paylaşım edib.
Zukerberq bildirib ki, “WhatsApp” bu gün ABŞ-da 100 milyon istifadəçi həddini keçib. Zukerberqin sözlərinə görə, “WhatsApp” ölkədə ən sürətlə inkişaf edən mesajlaşma proqramıdır və təkcə Texas ştatında 10 milyon istifadəçini ötüb. Bundan başqa, Los-Anceles, Nyu-York və Mayami də “WhatsApp” istifadəsinin sürətlə artdığı şəhərlər sırasındadır.
Bütün bu inkişafa baxmayaraq, “WhatsApp”ın ABŞ-da hələ də “iMessage”dan çox geridə olduğunu qeyd etməliyik. Nəhayət, 2024-cü ilin mart ayında dərc edilən rəqəmlər göstərdi ki, ABŞ-da 240 milyondan çox “iMessage” istifadəçisi var.