ABŞ prezidenti Donald Trampa məxsus "Air Force One" Londona gedərkən Nyu-Yorkda başqa bir sərnişin təyyarəsinə təhlükəli şəkildə yaxınlaşıb.

İndex.az xəbər verir ki, Fort Lauderdaledən Bostona uçan "Spirit Airlines Airbus A321", Long Island üzərində "Air Force One" ilə yolları kəsişdi.

Hava dispetçerləri "Spirit Flight 1300"ün pilotlarına kursu dəyişmək üçün dəfələrlə xəbərdarlıq edib. Lakin pilotlar ləng cavab verəndə nəzarətçi səsini qaldıraraq “Spirit 1300, indi 20 dərəcə sağa dönün!” deyə sərt xəbərdarlıq edib.

İki təyyarənin bir-birindən mil məsafədə olduğu və təhlükəsizlik həddini keçmədiyi bildirilsə də, "Spirit" təyyarəsinin nəzarətçinin xəbərdarlığından sonra istiqamətini dəyişdiyi bildirilir.

Donald Tramp və birinci xanım Melaniya Tramp gərgin uçuşdan sonra sağ-salamat Londona eniblər. Cütlüyün bu axşam İngiltərə kralı və kraliçası ilə dövlət şam yeməyində görüşəcəyi gözlənilir.