"Fənərbağça"da 15 aylıq macərasını başa vuran əfsanəvi portuqaliyalı baş məşqçi Mourinyonun yeni ünvanı məlum olub.

İndex.az xəbər verir ki, Joze Mourinyo görüşdüyü klublardan yüksək maaşlar tələb edib və onun Rusiyada işləməyə son dərəcə açıq olduğu bildirilir.

Joze Mourinyonun Rusiya klubları ilə ilkin danışıqlar apardığı deyilir. Mourinyonun Rusiyada işləməyə açıq olduğu və texniki komandası üçün minimum iki illik müqavilə və zəmanətli illik 20 milyon avro maaş tələb etdiyi vurğulanıb.

Qeyd edək ki, təcrübəli məşqçi UEFA Çempionlar Liqasının seçmə mərhələsində "Fənərbağça"nın "Benfika"ya 0:0, 0:1 hesablı məğlubiyyətindən sonra qovulub.