"Morgan Stanley"in (MS) aktivlərin idarə edilməsi bölməsi dörd maliyyə məsləhətçisinin müştəri fondlarından milyonlarla dollar oğurlamasını dayandıra bilmədiyi üçün ABŞ Qiymətli Kağızlar və Birja Komissiyasına (SEC) 15 milyon dollar cərimə ödəməyə razılaşıb.

İndex.az xəbər verir ki, SEC-in açıqlamasına görə, 2015-2022-ci illəri əhatə edən araşdırma şirkətin müştəri hesablarından icazəsiz köçürmələri aşkar etmək üçün adekvat siyasətə malik olmadığını üzə çıxarıb.

Xüsusilə, Avtomatlaşdırılmış Klirinq Mərkəzi (ACH) ödənişləri və müəyyən nağd pul köçürmələri ilə bağlı nöqsanlar müəyyən edilib.