Kəmalə Alıyeva
İtaliyada yaşayan rus müəllimi Anna Larina fevralın 18-də “İnstagram” səhifəsində Moskvaya səfər etməzdən əvvəl “Roma Fiumicino Beynəlxalq Hava Limanı”nda rüsumsuz satış məntəqəsindən su ala bilmədiyini bildirib.
İndex.az xəbər verir ki, Rusiya vətəndaşı Larina bildirib ki, su almaq istəyəndə kassirlər ona deyib: “Russansa, su yoxdur, sənə heç nə sata bilmərik. Çünki Rusiya iki il əvvəl müharibəyə başlayıb və buna səbəb kimi nazirliyin konkret müddəalarını irəli sürüblər”.
Larinanın bu video mesajı qısa zamanda sosial mediada ən çox baxılan videolardan birinə çevrildi.
Bu barədə bu gün hava limanında rüsumsuz satış məntəqələrinə cavabdeh olan “Aelia Duty Free” şirkəti və Roma Hava Limanına cavabdeh olan ADR tərəfindən açıqlama verilib. “Aelia Duty Free” şirkətindən verilən açıqlamada rus sərnişin Larinanın qarşılaşdığı bu “bədbəxt hadisə” üçün üzr istədiyi, heç kimə su satmağın qadağan olunmadığı və belə bir qadağa göstərişinin olmadığı bildirilib.
Larinanın yazısı altında ADR şirkəti aşağıdakı bəyanatları verib:
“Fiumicino Hava Limanında işlədiyiniz müddətdə başınıza gələnlərə görə çox təəssüf edirik. Sözügedən davranış ADR-in kommersiya tərəfdaşları tərəfindən tətbiq edilən standartlara qətiyyən uyğun deyil. Bir neçə saat ərzində bununla bağlı lazımi intizam tədbirləri görüləcək”.