Qazaxıstan xarici internet şirkətlərinin fəaliyyətinə vergi tətbiq edəcək

ƏMANƏT FAİZİNİ DƏRHAL GÖTÜR

Qazaxıstanda mal satan və xidmətlər göstərən xarici internet şirkətləri gələn ildən əlavə dəyər vergisini (ƏDV) ödəməli olacaqlar.

Index.az xəbər verir ki, müvafiq müddəa cümə axşamı respublika parlamentinin Senatının (yuxarı palata) təsdiq etdiyi “Vergilər və büdcəyə digər icbari ödənişlər haqqında” məcəlləyə dəyişiklik və əlavələrdə öz əksini tapıb.

"2022-ci il yanvarın 1-dən Vergi Məcəlləsi Qazaxıstan Respublikasında mal və xidmətlər təqdim edən xarici internet şirkətləri tərəfindən ƏDV-nin qeydiyyata alınması və ödənilməsi üçün sadələşdirilmiş proseduru nəzərdə tutur", - Senatın Maliyyə və Büdcə Komitəsi bildirib.

Şirkətlər tərəfindən ƏDV ödənişinin tamlığını və vaxtında aparılmasını təmin etmək üçün xarici şirkəti ödəniş və/yaxud alıcı kimi müəyyən edən sistem tətbiq ediləcəkdir.

“İnternet vasitəsilə satılan mallara ƏDV-nin vergiyə cəlb edilməsi ilə bağlı bu yenilik inkişaf etmiş ölkələrin belə bir verginin tətbiqi təcrübəsi əsasında qəbul edilib. Ümumiyyətlə, rəqəmsal verginin tətbiqi Qazaxıstan və xarici şirkətlər üçün rəqabət şəraitinin bərabərləşdirilməsinə kömək edəcək”, - deyə komitədən bildirilib.

Bundan əvvəl Qazaxıstan Maliyyə Nazirliyinin Dövlət Gəlirləri Komitəsinin iri vergi ödəyiciləri departamentinin direktoru Anuar Suleimenov bildirib ki, əlavə dəyər vergisi çərçivəsində ödəniş 12% dərəcəsi ilə həyata keçiriləcək.

Parlament tərəfindən təsdiqləndikdən sonra Vergi Məcəlləsinə əlavə və dəyişikliklərlə bağlı qanunu imzalanmaq üçün Qazaxıstan prezidentinə göndəriləcək.

ZAMİNSİZ KOMİSSİYASIZ NAĞD KREDİT