Avropada qazın qiyməti 1100 dolları ötüb

ƏMANƏT FAİZİNİ DƏRHAL GÖTÜR

20 oktyabrdan bəri ilk dəfə Avropada qazın qiyməti 1000 kubmetr üçün 1100 dolları ötüb.

İndex.az ICE birjasının məlumatlarına əsasən xəbər verir ki, dekabr fyuçerslərinin qiyməti yenidən 1000 kubmetr üçün 1100 dollar həddini ötüb. Ötən gün ticarətin bağlanışında qiymət min kubmetr üçün 1116 dollara qalxıb.

Almaniyada "Şimal axını - 2" operatorunun sertifikatlaşdırılmasının dayandırılması xəbəri ilə ticarət zamanı qaz bahalaşıb. Bundan əlavə, noyabrın 17-də axşam saatlarında “Qazprom” təbii qazın Ukrayna ərazisindən və Polşadan (Yamal-Avropadan) keçməklə tranziti üçün əlavə gücü yenidən sifariş etməyib.

Almaniya Federativ Respublikasının Agentliyi tərəfindən daha əvvəl bildirildiyi kimi, baş ofisi İsveçrənin Zuq şəhərində yerləşən “Nord Stream 2 AG” şirkətinə “Şimal axını 2” operatorunun sertifikatlaşdırması dayandırılıb.

“Şimal axını 2”nin tikintisi 2021-ci il sentyabrın 10-da tam başa çatıb. Əvvəlcə onun 2019-cu ilin sonuna qədər başa çatdırılması planlaşdırılırdı, lakin ABŞ-ın sanksiyaları səbəbindən tikinti ləngidi. Qaz kəməri ümumi gücü 55 milyard kubmetr olan iki xəttdən ibarətdir və Rusiya sahillərindən Baltik dənizi vasitəsilə Almaniyaya qədər uzanır. Qaz kəmərini işə salmaq üçün müstəqil nəqliyyat operatoru kimi qeydiyyatdan keçmək tələb olunur.

ZAMİNSİZ KOMİSSİYASIZ NAĞD KREDİT