Bu sığorta şirkətlərinin satışı azalıb - SİYAHI

ƏMANƏT FAİZİNİ DƏRHAL GÖTÜR

2021-ci ilin 9 ayı ərzində (yanvar-sentyabr) Azərbaycanda fəaliyyət göstərən sığorta şirkətlərindən 6-sının hesabladığı sığorta haqları ötən ilin eyni dövrü ilə müqayisədə azalıb.

İndex.az Mərkəzi Banka istinadən xəbər verir ki, “AtaSığorta”, “Atəşgah Sığorta”, “Azsığorta”, “İpək Yolu Sığorta”, “Meqa Sığorta” və“Xalq Sığorta”nın hesabladıqları sığorta haqları azalıb. Ən pis vəziyyət “Meqa Sığorta”dıdr.

2020-ci ilin 9 ayı ilə müqayisədə 2021-ci ilin 9 ayında hesablanan sığorta haqları “AtaSığorta”da 1 milyon 90 min manat azalaraq 9 milyon 402 min manata, “Atəşgah Sığorta”da 1 milyon 484 min manat azalaraq 17 milyon 236 min manata, “Azsığorta”da 4 milyon 533 min manat azalaraq 8 milyon 382 min manata, “İpək Yolu Sığorta”da 1 milyon 736 min manat azalaraq 14 milyon 847 min manata, “Meqa Sığorta”da 7 milyon 148 min manat azalaraq 18 milyon 509 min manata, “Xalq Sığorta”da 1 milyon 154 min manat azalaraq 20 milyon 627 min manata düşüb.

Yeni fəaliyyətə başlamış "Aqrar Sığorta" və "Meqa Həyat" xaric, digər sığorta şirkətləri hesabladıqları sığorta haqlarını artırmağı bacarıblar.

Qeyd edək ki, Azərbaycanda fəaliyyət göstərən sığortaçıların hesabladıqları sığorta haqları 2021-ci ilin 9 ayında ötən ilin eyni dövrü ilə müqayisədə 74 milyon 111 min manat və ya 12,7% artaraq 655 milyon 620 min manata çatıb. Müqayisə olunan dövrdə sığorta ödənişləri 65 milyon 729 min manat və ya 21,4% artaraq 373 milyon 491 min manata yüksəlib.






©Marja

ZAMİNSİZ KOMİSSİYASIZ NAĞD KREDİT