Bakı-Sumqayıt qatarlarında sıxlıq olarsa, tədbirlər görüləcək

“Azərbaycan Dəmir Yolları” QSC-nin monitorinq qrupları tərəfindən yeni tədris ilinin başlaması ilə bağlı müşahidələr aparılır”.

İndex.az xəbər verir ki, bu barədə Azərbaycan Dəmir Yollarından (ADY) məlumat verilib.

Bildirilib ki, Bakı-Sumqayıt qatarlarında sərnişin sıxlığı artarsa, onun aradan qaldırılması istiqamətində tədbirlər görüləcək:

“Tədris ili yeni başlayıb. Hazırda monitorinq qrupları tərəfindən müşahidələr aparılır”.

Qeyd edək ki, sentyabrın 29-dan etibarən ölkə üzrə ümumi təhsil müəssisələrinin bütün sinifləri üzrə, eləcə də məktəbdənkənar, peşə, orta ixtisas və ali təhsil müəssisələrində ənənəvi şəkildə tədrisə başlanılıb.

Xatırladaq ki, Bakı-Sumqayıt qatarları gün ərzində 12 dəfə hərəkət edir. Oktyabrın 1-dən Bakı-Sumqayıt-Bakı sərnişin qatarlarının hərəkəti tam bərpa olunaraq, şənbə və bazar günləri də işləyəcək. ADY şənbə, bazar və digər qeyri-iş günləri üçün yeni hərəkət cədvəlini açıqlayıb.

Bizi Facebook-da izləyin: INdexAzerbaijan