Neft sektoruna 12 trilyon dollarlıq sərmayə lazımdır - PROQNOZ

Yeni növ koronavirus pandemiyası da daxil olmaqla müxtəlif amillər ilə əlaqədar olaraq neft sənayesinə investisiyalar azalıb. Neft İxrac Edən Ölkələr Təşkilatı (OPEC), neft sənayesinin 2045-ci ilə qədər təxminən 12 trilyon dollar sərmayəyə ehtiyac olacağını təxmin edir.

İndex.az xəbər verir ki, bu barədə bazar ertəsi təşkilatın baş katibi Məhəmməd Barkindo Vaşinqton Atlantik Şurasının təşkil etdiyi videokonfransda çıxış edərkən bildirib.

Barkindoya görə, OPEC -in çərşənbə axşamı günü gözlənilən Dünya Neft Proqnozları (WOO) aşağıdakı təxminləri verəcək: “İtirdiklərimizi bərpa etmək üçün 2045-ci ilə qədər sənayenin təxminən 12 trilyon dollara ehtiyacı olacaq. Ardıcıl iki il ərzində investisiyalar azaldıldı. İnvestisiyalarda azalma 50% -dən çoxdur”.

Təkcə 2020-ci ildə pandemiya fonunda investisiya təxminən 30% azalıb.

“Bu böyük sərmayəni haradan əldə edə bilərik? Hökumətlərdən, yoxsa qlobal maliyyə bazarlarından? Düşünürəm ki, həm birinci, həm də ikincinin öz rolunu oynamalııdır", - Barkindo deyib.

Onun fikrincə, bu investisiyalar, "kifayət qədər tədarük həcmini saxlamaq" və "orta və uzun müddətdə tədarüklərin təhlükəsizliyinə zəmanət vermək" üçün lazım olacaq.

Barkindo illik WOO hesabatını 28 sentyabrda videokonfrans vasitəsilə təqdim edəcək. "World Oil Outlook" ilk dəfə 2007-ci ildə nəşr edilmişdir. Hesabat qlobal neft və enerji bazarına dair dərindən bir baxış və təhlil təqdim edir, eyni zamanda, neft sənayesinin orta və uzun müddətli inkişafı üçün müxtəlif ssenarilərin qiymətləndirilməsini təqdim edir. 2021-ci il hesabatında 2045-ci ilə qədər uzunmüddətli proqnozlartəqdim ediləcək.

Bizi Facebook-da izləyin: INdexAzerbaijan