Amazon televizor biznesinə daxil olur - QİYMƏT

"Amazon.com Inc." şirkəti bazara ilk televizor modellərini çıxarır. Şirkət, ev əyləncə cihazları bazarında "Roku Inc." və "Google" rəqib olacaq.

"Amazon"gələn ay ABŞ-da öz istehsalı olan televizorları bazara çıxaracağını açıqlayıb.

İndex.az xəbər verir ki, iki TV modeli ilə sektora daxil olacaq Amazon, "Omni" adındakı modelinin 409,99 dollardan, "4-Series" modelinin isə 369,99 dollardan başlayan qiymətlər ilə satılacağını açıqlayıb. Modellərin 43 düym ilə 75 düym xüsusiyyətə malik olduqları və Oktyabr ayında satışa çıxarılacaqları qeyd edilib.

Amazon hal-hazırda TV sənayesindəki ən böyük oyunçulardan biridir. Şirkətin USB yaddaş ölçüsündəki cihazı "Fire TV Stick", HDMI əlaqə üzərindən televizor, Wi-Fi xüsusiyyəti ilə də internetə əlaqə təmin edə bilir. Amazon, bu zamana qədər 100 milyondan çox "Fire TV" satışı edib.

Televizorlar üçün inkişaf etdirilən proqram və platformalar, əyləncə sektorunda ən sürətli böyüyən kateqoriyalar arasında yer alır. "EMarketer Inc."a görə, söz mövzusu platformalarda nümayiş olunan reklamların bu il 4 milyard dolları aşması gözlənilir.

Amazonun verdiyi bu yeni qərarla daxil olacağı sektorda "Roku", "Google", "Samsung Electronics Co" və "Apple Inc" ilə güclü rəqabətə başlayacağı təxmin edilir.






Marja

Bizi Facebook-da izləyin: INdexAzerbaijan