COVID-19 pasportu ticarət və xidmət obyektlərinə necə təsir etdi? – VİDEO

Koronavirusdan qurtuluşun bütün dünyada ən az vaxta, ən optimal şəkildə həlli yolunun vaksinasiya olduğu birmənalı şəkildə qəbul edilir.

Index.az xəbər verir ki, Azərbaycan MDB-də vaksinasiya prosesnin ən sürətlə getdiyi ölkə olsa da, bu proses çərçivəsındə ortaya qoyulan bır çox tələblər bəzi çətinliklər yaşadır. Söhbət vaksin olunmayan şəxslərin qapalı məkanlara daxil olmasından gedir.

Alışveriş üçün gələn müştəri əvvəl sadəcə cibindəki pula nəzər salıb, içəri daxil olurdusa, indi o, üzərində vaksin olunması ilə bağlı müvafiq sənədin olmasına da fikir verməlidir. Cibində pulu ilə yanaşı müvafiq sənədləri olub, içəri daxil ola bilən alıcını isə boş dəhlizlərdə piştaxtaların arxasından müştəri həsrəti çəkən satıcılar gözləyir.

Satıcıların sözlərinə görə, alıcılar o qədər azalıb ki, aşağı düşən qiymətlər və zəif alver onlara müvafiq xərcləri qarşılamağa da imkan vermir.

Hələ oktyabrın 1-dən etibarən ikinci doza vaksin vurdurmayanların da qapalı məkanlara buraxılmaması tələbi müştəri sayını növbəti dəfə azalda bilər. Belə ki, bugünə olan məlumata görə, birinci doza vaksinvurduran vətəndaşların sayı 4.4 milyona yaxındırsa, ikinci doza vaksin vurduranların sayı 2.9 milyona yaxındır. Virusdan ən optimal qorunma yolu olan vaksinasiyanın sürətlə şəkildə həyata keçirilməsi tezliklə qapalı məkanların da işini asanlaşdırmış olacaq.

Bizi Facebook-da izləyin: INdexAzerbaijan