İcbari sığorta bazarı 11% artıb

Bu ilin yanvar-iyul aylarında Azərbaycanda könüllü sığorta növlərinin hesabına 364,792 milyon manat sığorta haqqı toplanılıb.

İndex.az xəbər verir ki, Azərbaycan Mərkəzi Bankının statistikasına görə, bu, ötən ilin yanvar-iyul aylarına nisbətən 12,1% çoxdur.

Ötən 7 ayda icbari sığorta növləri hesabına daxilolmaların məbləği isə illik müqayisədə 11% artaraq 163,465 milyon manata düşüb.

Hesabat dövründə könüllü sığorta növləri isə ödənişlərin məbləği 228,184 milyon manat təşkil edib ki, bu da 1 il əvvələ nisbətən 21,4% çoxdur. İl ərzində icbari sığorta növləri üzrə ödənişlərin məbləği isə 86,55% artaraq 72,995 milyon manata çatıb.

Beləliklə, 2021-ci ilin yanvar-iyul aylarında könüllü sığorta bazarından toplanmış hər 100 manat sığorta haqqının 62,55 manatı qədər ödəniş edilib. Bu rəqəm 2020-ci ilin yanvar-iyul aylarında 57,8 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 26,6 manatdan 44,65 manata çatıb. 

Azərbaycanda həyat sığortası 21%, qeyri-həyat sığortası isə 5% artıb

Bu ilin yanvar-iyul aylarında Azərbaycanda həyat sığortası növlərinin hesabına 232,643 milyon manat sığorta haqqı toplanılıb.

Bu, ötən ilin yanvar-iyul aylarına nisbətən 21,1% çoxdur.

Ötən 7 ayda qeyri-həyat sığortası növlərinin hesabına daxilolmalar isə 295,614 milyon manat təşkil edib. Bu isə illik müqayisədə 5,4% çoxdur.

Hesabat dövründə həyat sığortası növləri üzrə ödənişlər 29,5% artaraq 179,228 milyon manata, qeyri-həyat sığortası növləri üzrə ödənişlər isə 37,4% artaraq 121,954 milyon manata çatıb.

Beləliklə, 2021-ci ilin yanvar-iyul aylarında həyat sığortası bazarında toplanmış hər 100 manat sığorta haqqı üzrə 77 manat, qeyri-həyat sığortası bazarında toplanmış hər 100 manat sığorta haqqı üzrə isə 41,25 manat müştərilərə geri ödənilib. Bu rəqəmlər 2020-ci ilin yanvar-iyul aylarında müvafiq olaraq 72 manat və 31,6 manat olub. 



Renkinq

Bizi Facebook-da izləyin: INdexAzerbaijan