Ölkədə kredit kartları əməkhaqqı kartlarından çox artıb

Azərbaycanda ödəniş kartlarının artması 2021-ci ilin İyul ayında da davam edib.

İndex.az Mərkəzi Banka istinadən xəbər verir ki, 2021-ci ilin iyul ayının sonunda ödəniş kartlarının ümumi sayı 10 milyon 139 min ədəd təşkil edib.

İyun ayının sonu ilə müqayisədə İyul ayı ərzində cəmi ödəniş kartlarının sayı 88 min ədəd artıb. İyun ayında cəmi ödəniş kartlarının sayı 79 min ədəd artmışdı.

İyul ayında sosial kartların sayı 60 min ədəd azalaraq 3 milyon 409 min ədədə düşüb. Əməkhaqqı kartlarının sayı 8 min ədəd artaraq 2 milyon 601 min ədədə, sosial və əməkhaqqı kartı olmayan digər debet kartlarının sayı 98 min ədəd artaraq 2 milyon 884 min ədədə, kredit kartlarının sayı isə 41 min ədəd artaraq 1 milyon 244 min ədədə çatıb.

Ötən ilin sonu ilə müqayisədə 7 ayda cəmi ödəniş kartları 909 min ədəd artıb.

Cari ilin 7 ayı ərzində (yanvar-iyul dövründə) sosial kartların sayı 34 min ədəd azalıb, əməkhaqqı kartlarının sayı 100 min ədəd, sosial və əməkhaqqı kartı olmayan digər debet kartlarının sayı 691 min ədəd, kredit kartlarının sayı isə 151 min ədəd artıb.

Qeyd edək ki, 2020-ci il ərzində cəmi ödəniş kartlarının sayı 1 milyon 964 min ədəd artmışdır. 2019-cu ilin sonunda cəmi ödəniş kartlarının sayı 7 milyon 266 min ədəd təşkil etmişdi.

2020-ci il ərzində sosial kartların sayı 1 milyon 60 min ədəd, əməkhaqqı kartlarının sayı 185 min ədəd, digər debet kartlarının sayı 424 min ədəd, kredit kartlarının sayı isə 296 min ədəd artmışdı.




©Marja

Bizi Facebook-da izləyin: INdexAzerbaijan