Bank sektorunda müştəri hesablarının sayı bu il 2,6 milyon artıb

Bu il avqustun 1-nə Azərbaycanın bank sektorunun müştəri hesablarının sayı aylıq müqayisədə 1,9 % və ya 449 min 302 ədəd artaraq 23 milyon 765 min 975-ə çatıb.

İndex.az bu barədə Azərbaycan Mərkəzi Bankına (AMB) istinadən xəbər verir.

Məlumata görə, hesabların 85,3%-i və ya 20 milyon 80 min 384-ü cari hesablar, 13,7%-i və ya 3 milyon 245 min 898-i kredit hesabları, 1%-i və ya 239 min 693-ü isə depozit hesabları təşkil edib. İyul ayında cari hesablar 1,8%, kredit hesabları 3%, depozit hesabları 1,9% artıb.

Xatırladaq ki, ilin əvvəli ilə müqayisədə bank sektorunda müştəri hesablarının sayı 2 milyon 586 min 458 ədəd və ya 12,2% artıb

Bizi Facebook-da izləyin: INdexAzerbaijan