Naxçıvan istiqamətində mövqelərimiz atəşə tutulub

Avqustun 21-i saat 12:30-dan 13:45-dək Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən Azərbaycan ordusunun mövqelərini fasilələrlə müxtəlif çaplı silahlardan atəşə tutub.

İndex.az xəbər verir ki, bu barədə Müdafiə Nazirliyi məlumat yayıb.

Cavab atəşilə qarşı tərəf susdurulub.

Azərbaycan ordusunun şəxsi heyəti arasında itki yoxdur.

Əməliyyat şəraiti bölmələrimizin nəzarəti altındadır.

Bizi Facebook-da izləyin: INdexAzerbaijan