Maşını satmağın vaxtı olduğunu göstərən əlamətlər

Daimi kiçik nasazlıqlar baş verərsə, asqı və ya yanacaq xəttində korroziya görünərsə, dizel və ya benzin istehlakı artarsa, avtomobili satmağın vaxtıdır.

İndex.az xəbər verir ki, “Praym”ın məlumatına görə, bu barədə Rusiyada “Fresh Auto” avtomobil satıcıları şəbəkəsinin texniki direktoru Maksim Ryazanov maşının dəyişdirilməsinin zəruriliyini göstərən əlamətlər haqqında danışarkən bildirib.

Maşını satmağın vaxtı olduğunu göstərən əlamətlər

Mütəxəssis sürücüyə avtomobildən ayrılmaq, yoxsa nasazlıqları təmir etmək arasında daha sərfəli olanı hesablamağı məsləhət görüb.

Ryazanov qeyd edib ki, Rusiya, Koreya və ya Çin avtomobillərinin optimal xidmət müddəti 3-5 ildir.

ABŞ, Avropa və ya Yaponiya markaları daha davamlı hesab olunur.

O, həmçinin Rusiya istehsalı üç illik avtomobili 5-7 il əvvəl istehsal olunan BMW, “Volvo” və ya “Toyota” ilə əvəz etməyi tövsiyə edib.

Rayazanovun sözlərinə görə, “B” və “C” sinfli kütləvi istehsal maşınları istifadənin ilk ilində təxminən 10 faiz, üç ildən sonra isə artıq 40 faiz dəyər itirir.

Premium seqmentdə isə vəziyyət fərqlidir: Bir il ərzində belə avtomobillər 30 faiz, üç ildən sonra isə təxminən daha 20 faiz ucuzlaşır.





Oxu.az

Bizi Facebook-da izləyin: INdexAzerbaijan