Avronun manata qarşı məzənnəsi dördaylıq minimuma enib

Avqustun 9-da avronun Azərbaycan manatına qarşı rəsmi məzənnəsi 1,9989 manata enib. Bu, son dörd ay ərzində qeydə alınan ən aşağı göstəricidir.

İndex.az xəbər verir ki, "APA-Economics"in hesablamalarına görə, sonuncu dəfə avronun manata qarşı bundan aşağı məzənnəsi cari ilin aprelin 1-də qeydə alınmışdı – 1,9929 manat.

Qeyd edək ki, 2021-ci ilin yanvarın 7-də avronun manata qarşı məzənnəsi 2,0958 manata çataraq 32 aylıq maksimumu yeniləmişdi. Həmin tarixdən avro manata nisbətdə 4,6% ucuzlaşıb.

Xatırladaq ki, Azərbaycan Mərkəzi Bankının bu günə olan rəsmi valyuta məzənnələrinə görə, ABŞ dollarının məzənnəsi dəyişməyərək 1,7000 manat təşkil edib, 1 türk lirəsi 0,1970 manata, 1 Rusiya rublun məzənnəsi isə 0,0231 manata enib.

Bizi Facebook-da izləyin: INdexAzerbaijan