Bu ölkə rəqəmsal milli valyutasını dövriyyəyə buraxır

Venesuelan Mərkəzi Bankı bu il oktyabrın 1-dən dövriyyəyə rəqəmsal bolivar buraxacaq.

İndex.az xarici mətbuata istinadən xəbər verir ki, rəqəmsal pulun buraxılışı ilə paralel olaraq ölkədə denominasiya həyata keçiriləcək.

Nəticədə milli valyutanın nominalından 6 sıfır yığışdırılacaq.

Rəqəmsal bolivarın dövriyyəyə buraxılması ölkənin hiperinflasiya vəziyyətindən çıxmasına dəstək məqsədi daşıyır. Ölkədə bir fincan kofenin qiyməti il ərzində 2 542% artaraq 7 662 898 bolivar (1,9 ABŞ dolları) təşkil edib.

Xatırladaq ki, daha əvvəl 2018-ci ildə həyata keçirilən denominasiya zamanı bolivardan 5 sıfır götürülüb. Yeni pul vahidi o zaman təminçısı neft olan “El Petro” adlı kriptovalyutaya bağlanıb. Lakin milli kriptovalyutaya əhali arasında tələbat yoxdur. Pərakəndə satıcılar onu ödəniş vasitəsi kimi qəbul etmirlər.

Bizi Facebook-da izləyin: INdexAzerbaijan