Image description

Bu ilin yanvar ayında xarici ölkələrə gedən Azərbaycan vətəndaşlarının sayı ötən ilin yanvar ayına nisbətən 15,6 dəfə azalaraq 27,8 min nəfər olub.

İndex.az Dövlət Statistika Komitəsinə istinadən xəbər verir ki, ölkə vətəndaşlarının 48,1 %-i Türkiyəyə, 14,8 %-i Rusiyaya, 10,4 %-i Gürcüstana, 8,7 %-i İrana, 18%-i digər ölkələrə səfər edib. Gedənlərin 77,2 %-ni kişilər, 22,8 %-ni qadınlar təşkil edib. Bu dövrdə ötən ilin eyni ayı ilə müqayisədə İrana gedən Azərbaycan vətəndaşlarının sayı 68,1 dəfə, Gürcüstana gedənlərin sayı 45,1 dəfə, Rusiyaya gedənlərin sayı 17,8 dəfə, Türkiyəyə gedənlərin sayı isə 3,2 dəfə azalıb.

Bu ilin yanvar ayında xarici ölkələrə səfər edən Azərbaycan vətəndaşlarının 31,2 %-i dəmir yolu və avtomobil, 60,7 %-i hava, 8,1 %-i isə dəniz nəqliyyatından istifadə edib.