Image description

“AzFinance İnvestisiya Şirkəti” QSC-nin səhmdarı dəyişib.

İndex.az xəbər verir ki, İnvestisiya şirkətinin səhmləri 100% Abid Mamedova məxsusdur.

Halbuki, buna qədər “AzFinance İnvestisiya Şirkəti” QSC-nin səhmləri 100% Dubayda (BƏƏ) qeydiyyatdan keçmiş “G Capital Middle East Ltd.” şirkətinə məxsus idi.

Qeyd edək ki, AzFinance İnvestisiya Şirkətinin Səhmdarlarının ümumi yığıncağının 14 noyabr 2019-cu il qərarına əsasən Abid Mamedov AzFinance İnvestisiya Şirkətinin Müşahidə Şurasının Sədri təyin edilib.

Abid Mamedov orta məktəb təhsilini Avropada almış və 2003-cü ildə London Universitetinin İqtisadiyyat fakultəsində Bakalavr dərəcəsi, 2004-cü ildə İngiltərənin Bristol Universitetinin İqtisadiyyat fakultəsinndə Magistr dərəcəsini əldə etmişdir.

Xatırladaq ki, “Azfinance” 2014-cü ildə yaradılıb. Onun nizamnamə kapitalı 1.55 milyon manatdır.




©Banker

Bizi Telegram-da izləyin: t.me/indexaz