Image description

Beşinci “Brand Award Azerbaijan” milli müsabiqəsinin qalibləri açıqlandı.

Caspian Energy Club-ın təşkil etdiyi, AZPROMO və KOBİA-nın rəsmi tərəfdaşlığı, Social Lab agentliyinin isə rəqəmsal tərəfdaşlığı ilə keçirilən beşinci “Brand Award Azerbaijan” milli müsabiqəsində Azərbaycanın cari ildə 50 ən tanınan brendi müəyyən olunub.

İndex.az xəbər verir ki, bu barədə Caspian Energy Club-un sədri və baş icraçı direktoru Telman Əliyev məlumat verib.

Telman Əliyev bildirib ki, müsabiqədə 200 milli korporativ, xidməti və məhsul brendi iştirak edib. Səsvermədə dünyanın müxtəlif ölkələrindən 6500-ə yaxın respondent iştirak edib. Səsvermə zamanı şəffaflıq qorunub, belə ki, bir cihazdan yalnız bir dəfə səs vermək mümkün olub.

Telman Əliyev “Brand Award Azerbaijan” milli müsabiqəsi nəticəsində milli brendlərin geniş auditoriyalara çatdırılması və inkişafına nail olduq. Kiçik və orta biznes subyektlərinin tanınmasına şərait yarandı. Bununla yanaşı, müxtəlif şirkətlər öz rəqəmsal marketinq siyasətində yeniliklər tətbiq etdi, veb-saytlarını və məlumatlarını yenilədi, rebrendinq keçirdi və bu da onların məhsul və xidmətlərinin tanınmasına səbəb oldu. Bu “Brand Award Azerbaijan” layihəsinin əsas nailiyyətlərindən biridir. Bütün iştirak etmiş brendlərə təşəkkürümüzü bildiririk.” –deyə bildirib.

Telman Əliyev, həmçinin vurğulayıb ki, “Brand Award Azerbaijan” və “Brand Award” ticarət nişanları dünyanın 50 ölkəsində Caspian Energy Club-a məxsusdur. İlin sonunadək “Brand Award Turkey” və “Brand Award International” müsabiqələri də keçiriləcək.

“Brand Award Azerbaijan” milli müsabiqəsinin qaliblərinin tam siyahısını təqdim edirik:

1.Azərbaycan Beynəlxalq Bankı
2.Azerçay
3.Sun Paper
4.Azpetrol
5.Azəriqaz
6.Bizim Tarla
7.Azərsüd
8.Azərduz
9.Azərşəkər
10.Aura
11.Azersun Holding
12.Atena
13.Berqa
14.Bizim Sufre
15.PASHA Insurance
16.SOCAR Polymer
17.AzGranata
18.Azərişıq
19.Final
20.Səba
21.AZAL (Azərbaycan Hava Yolları)
22.SOCAR KQİT
23.Çörəkçi
24.International Consulting Company
25.Vita 1000
26.DOST Agentliyi
27.Super Sun
28.Bolmart
29.CinemaPlus
30.Zeytun Bağları
31.IBA Mobile
32.Shokki Mokki
33.Grandmart
34.Bizon
35.Sobsan
36.IBA Innovation
37.Buta Airways
38.Iceland Dondurmaları
39.Tam Kart
40.AzerTelecom
41.AzərTac
42.Doymak
43.Sultan
44.Mr. Fix
45.Sağlam Ailə
46.Corella
47.ABAD
48.Təmiz Qaz
49.Delta Group
50.Gazelli Group
Sıralarında 50 ölkədən 5000-dən çox şirkət və təşkilatı birləşdirən Caspian Energy Club 2002-ci ilin iyununda yaradılıb. Biznes-hökumət dialoqunun fəal iştirakçısı olan Caspian Energy Club-ın əsas məqsədi Azərbaycanda və Caspian Energy Club-ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.

Biznes-netvorkinq üçün beynəlxalq platforma olan Caspian Energy Club mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən Caspian Energy Club-ın Gürcüstan və Qazaxıstanda rəsmi nümayəndəlikləri, həmçinin dünyanın müxtəlif ölkələrində səlahiyyətli nümayəndələri var.






©Fed

Bizi Telegram-da izləyin: t.me/indexaz