Image description

Yay fəslinin yaxınlaşması Bakıda fərdi yaşayış və bağ evlərinin qiymətində artıma səbəb olub.

İndex.az xəbər verir ki, "MBA Group" konsaltinq şirkətinin direktoru, əmlak məsələləri üzrə ekspert Nüsrət İbrahimov deyib ki, aprel ayında fərdi yaşayış və bağ evlərinin qiyməti 2,27% bahalaşıb.

Fərdi yaşayış və bağ evlərinin orta qiyməti 993 manat/kv.m təşkil edib. Ekspert bildirib ki, yay mövsümü yaxınlaşdıqca hər il olduğu kimi, bu il də Bakıda bağ evlərinin qiymətində artım gözlənilən idi.

Ekspertin sözlərinə görə, həmçinin bağ evlərinin kirayə qiymətlərində də artım müşahidə olunur. Belə ki, fərdi yaşayış və bağ evlərinin kirayə qiymətləri 14,2% artıb. O qeyd edib ki, yay mövsümündə insanlar istirahət üçün bağ evlərinə üz tutur və bu tikililərə tələbat xeyli artır.





©Trend

Bizi Telegram-da izləyin: t.me/indexaz