Kəmalə Alıyeva
“Mercedes-Benz” şirkəti elektrikli avtomobillər üçün tamamilə yenidən işlənmiş əyləc sistemi konsepti ilə çıxış edib.
İndex.az xəbər verir ki, əənəvi əyləc sistemindən fərqli olaraq, o, əyləc mexanizmini avtomobillərin təkərlərindən çıxaracaq və onu idarəedici bloka birləşdirəcək.
Əvvəla, deyək ki, “Mercedes”in yeni sistemi avtomobillərdə regenerativ əyləc məntiqi ilə ahəngdar işləyir. “Mercedes”in araşdırmasına görə, elektrik avtomobilləri regenerativ əyləclə gündəlik istifadədə yavaşlama ehtiyacının 98%-ni artıq ödəyir. Mexanik əyləclər yalnız fövqəladə hallarda və ya maksimum əyləc gücü tələb olunduqda işə salınır.
Yeni dizayna baxdığımızda əyləc balatalarının dairəvi quruluşda iki diskə birləşdirildiyini görürük. Məlumatlara görə, bu sistem avtomobillərin döngə çəkisini 90 kiloqramdan çox azaltmaqla sürücülük dinamikasını yaxşılaşdırır. O, həmçinin əyləcləri təkərlərdən götürərək aerodinamik cəhətdən optimallaşdırılmış tam qapalı təkərlərin istifadəsinə yol açır. Bu, təbii olaraq avtomobilin məsafəsini artırır.
“Mercedes” yeni əyləc sistemi ilə texniki xidmət ehtiyaclarını bir qədər azaltmağı planlaşdırır. Yeni əyləc sistemi avtomobilin bütün ömrü boyu dayanıqlı qalacaq. Bu o deməkdir ki, istifadəçilərin əyləc sistemini dəyişdirmək və ya müntəzəm texniki xidmət göstərmək ehtiyacı əhəmiyyətli dərəcədə azalacaq. Soyutma problemini həll etmək üçün maye ilə soyudulan mexanizmin hazırlandığı bildirilir.
“Mercedes-Benz” hazırda yeni “daxili əyləc mexanizmi” konseptini sınaqdan keçirir. Başlanğıc tarixi hələ açıqlanmasa da, sistemin davamlılığı və səmərəliliyi ilə bağlı gözləntilər böyükdür.