Image description

Rayonlara daha az vəsait ayıran banklar regionlarda kreditləri də yüksək faizlə təklif edirlər.

İndex.az xəbər verir ki, bunu Milli Məclisin üzvü, iqtisadçı Vüqar Bayramov bildirib.

Onun sözlərinə görə, Mərkəzi Bankın məlumatına əsasən, bankların ən yüksək kredit faizləri Yuxarı Qarabağ iqtisadi rayonundadır: “Yəni, Füzuli, Ağdam və Tərtər rayonlarında yaşayan vətəndaşlarımız və iş adamları daha yüksək faizli kredit götürmək məcburiyyətindədirlər. Bu iqtisadi rayon üzrə orta kredit faizi 24,25 faizdir. Uyğun olaraq Dağlıq Şirvan və Aran iqtisadi rayonları da yüksək kredit faizlərinə görə fərqlənir”.

Deputat deyir ki, ümumiyyətlə, rayonlarda kredit faizləri Bakı ilə müqayisədə orta hesabla 2 dəfədən çox artıqdır.

O bildirib ki, Mərkəzi Bankın rayonlarda fəaliyyət göstərən sahibkarlara daha ucuz kreditlərin verilməsini təşviq etməsi çox vacibdir: “Bu zaman xərclərin bir hissəsinin subsidiya edilməsi, rayonlara aşağı faizli kredit ayıran banklara əlavə güzəştlərin verilməsi mexanizmdən istifadə oluna bilər”.

Bizi Telegram-da izləyin: t.me/indexaz