Daha bir bank olmayan kredit təşkilatına lisenziya verildi

Azərbaycan Mərkəzi Bankının (AMB) İdarə Heyətinin qərarı ilə "FNC” QSC bank olmayan kredit təşkilatına (BOKT) lisenziya verilib.

İndex.az Mərkəzi Banka istinadən xəbər verir ki, bununla da ölkədə lisenziyası olan BOKT-ların sayı 53-ə çatıb.

Xatırladaq ki, İqtisadiyyat Nazirliyi yanında Dövlət Vergi Xidməti "FNC”ni bu ilin fevral ayında dövlət qeydiyyatına alıb. Onun hüquqi ünvanı Sumqayıt şəhəri, 6-cı mikrorayon, Gənclik küçəsi, ev 35L, mənzil 2, nizamnamə kapitalı BOKT-lar üçün müəyyən edilmiş minimum tələbə uyğun – 300 min manat, qanuni təmsilçisi isə Cavid Vaqif oğlu Əzizovdur.

Bizi Facebook-da izləyin: INdexAzerbaijan