Image description

“Azərsun Holdinq” MMC-yə məxsus “Kürdəmir Süd Emalı Zavodu” MMC-nin direktoru Fuad Məmmədov vəzifəsindən azad edilib.

 

İndex.az “Report”a istinadən xəbər verir ki, şirkətə rəhbərlik Nəbi Paşayevə həvalə olunub.

 

O, bundan əvvəl holdinqə məxsus “Padarçöl Aqropark”a rəhbərlik edib.

 

Xatırladaq ki, “Kürdəmir Süd Emalı Zavodu” 2010-cu ildə yaradılıb, ölkənin aparıcı süd və süd məhsulları istehsalçısıdır. Onun nizamnamə kapitalı 15 milyon manatdır.