Image description

Azərbaycan Nəqliyyat, Rabitə və Yüksək Texnologiyalar Nazirliyinin “Azərpoçt” MMC vakansiya elan edib.

İndex.az xəbər verir ki, “Azərpoçt”dan verilən məlumata görə, MMC-nin Bakı şəhərindəki müvafiq idarəyə, habelə Mingəçevir, Kəlbəcər, Zaqatala, Şabran, Qobustan, Laçın və Ağcabədi poçt filiallarına baş mühasib vakansiyası açıq elan olunub.

Əsas vəzifələr:

- Filialın maliyyə-təsərrüfat fəaliyyətinin mühasibat uçotu və hesabat sənədlərində əks etdirilməsi üzrə fəaliyyətini təşkil və nəzarət edir;

- Filial və poçt şöbələri tərəfindən həyata keçirilən bütün maliyyə-təsərrüfat əməliyyatlarının mühasibat uçotunda düzgün əks etdirilməsini, mühasibat-maliyyə hesabatlarının müəyyən edilmiş müddətdə tərtib və təqdim edilməsini təşkil və nəzarət edir;

- Daxil olan və çıxan pul vəsaitinin uçotunu, mühasibat uçotu hesablarında onların hərəkətini, istehsal dövriyyəsini və xərclərini, xərclər smetasının hazırlanmasını, məhsulun satışını, iş və xidmətlərin yerinə yetirilməsini, maliyyə, hesabat və uçotunu təşkil və nəzarət edir;

- İş və xidmətlərin maya dəyəri hesabatının iqtisadi cəhətdən əsaslandırılmış tərtibini, əmək haqqının ödənilməsi hesablarını, dövlət büdcəsinə məcburi ödəmələri, dövlət sosial sığorta fonduna ayırmaları, digər ayırmaları tərtib və nəzarət edir;

- İlkin mühasibat sənədlərinin, hesablaşmaların və ödəniş öhdəliklərinin hazırlanmasına, əmək haqqı fondunun sərf olunmasının, əmtəə, mal qiymətlilərinin və əsas fondların inventarizasiyasının aparılmasına nəzarət edir;

- Maliyyə intizamına ciddi əməl edilməsini, inzibati, təsərrüfat və digər xərclərin, debitor borclarının, çatışmazlıqlarının və digər hesabların mühasibat uçotunda düzgün əks etdirilməsini təmin edir;

- Müştərilərdən köçürmə yolu ilə Filialın hesabına daxil olan ödəmələrin kompüter proqramına daxil edilərək gündəlik kassa qalığının yoxlanılmasına nəzarət edir;

- Filial adından ödəmə aparılarkən köçürmə sənədlərinin, ödəmə sifarişlərinin və digər sənədlərin düzgün hazırlanmasına nəzarət edir;

- Filialın Baş xəzinəsinin gündəlik fəaliyyətinə nəzarət edir;

- Tabeli poçt şöbələrində göstərilən xidmətlərdən əldə edilən nağd pul vəsaitlərinin vaxtında və düzgün mədaxil olunmasına və Baş xəzinəyə göndərilməsinə gündəlik nəzarət edir;

- Baş xəzinədə və poçt şöbələrinin kassalarında qəfləti yoxlamaların aparılmasına nəzarət edir;

- Rəhbərliyin tapşırığına uyğun olaraq fəaliyyət istiqaməti üzrə digər işləri yerinə yetirir.

Namizədə olan tələblər:

- Mühasibatlıq və ya maliyyə ixtisası üzrə ali təhsil;

- Müvafiq sahə üzrə ən azı 5 il iş təcrübəsi;

- Azərbaycan dilini mükəmməl səviyyədə bilməli, xarici dil bilikləri arzu olunandır;

- Məlumatların məxfiliyini qoruyub saxlamaq bacarığı, Komandada işləmək bacarığı, Məsuliyyətli və işində dəqiq, Vergi Məcəlləsini bilməli.

Göstərilən tələblərə cavab verən namizədlər CV-ni 1 iyun 2021-ci il tarixinədək mövzü hissəsində “baş mühasib” qeyd etməklə hr@azerpost.az elektron ünvanına göndərə bilərlər.







©APA

Bizi Telegram-da izləyin: t.me/indexaz