Image description

Çininin İKT texnologiyaları şirkəti “Huawei”in Azərbaycandakı törəmə şirkətinin rəhbəri dəyişib.

İndex.az xəbər verir ki, “Huawei Technologies Azərbaycan” MMC-nin Baş icraçı direktoru Lu Canlin vəzifəsindən istefa verib. Onun yerinə, Xu Hui təyin edilib.

“Huawei Technologies Azərbaycan” 2011-ci ildə yaradılıb və 300 min dollar nizamnamə kapitalına sahibdir. Şirkət Azərbaycanda işğaldan azad edilmiş ərazilərində “Ağıllı şəhər” və “Ağıllı kənd” texnologiyalarının təchizatçısı kimi iştirak edir.

Prezident İlham Əliyevin 27 aprel tarixində Zəngilan və Cəbrayıl rayonlarına səfərində şirkətin Baş meneceri bildirmişdi ki, Qarabağda “Ağıllı kənd” üzrə qabaqcıl texnologiyaları təmin etmək üçün onlar ən son məhsul və texnologiyaları təchiz edəcəklər.

Belə ki, Azərbaycanda ilk dəfə “Qiqabit AirPON” texnologiyasını istifadə edəcəklər.






©Banker

Bizi Telegram-da izləyin: t.me/indexaz