Image description

Azərbaycanda ötənilki enmədən sonra elektrik enerjisi istehsalı yenidən artmağa başlayıb.

İndex.az xəbər verir ki, 2021-ci ilin mart ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 65,8 mln. kVt·st (təqribən 3%) artaraq 2364,3 mln. kVt·st olub. Ay ərzində 175,1 mln. kVt·st enerji ixrac, 11,0 mln. kVt·st enerji isə idxal edilib.Ümumilikdə 2021-ci ilin yanvar-mart aylarında isə respublikada elektrik enerjisinin istehsalı 6924,9 mln. kVt·st olub. Hesabat dövründə ötən ilin 3 ayına nisbətən elektrik enerjisinin istehsalı

İES-lərdə 59,1 mln. kVt·st azalaraq 6604,0 mln. kVt·st, SES-lərdə 15,69 mln. kVt·st artaraq 236,09 mln. kVt·st, digər mənbələr (KES, GES və BMTYZ) üzrə isə 4,7 mln. kVt·st azalaraq 84,9 mln. kVt·st olub.

Bu dövrdə ölkədə külək elektrik stansiyalarında 22,56 mln. kVt·st, günəş elektrik stansiyalarında 9,2 mln. kVt·st, bərk məişət tullantılarının yandırılması zavodunda 53,14 mln. kVt·st elektrik enerjisi istehsal edilib.

Başqa sözlə, hələlik ölkədə zibildən alınan elektrik enerjisinin həcmi külək və günəş mənbələrindən alınandan 2 dəfə artıqdır.

Rüb ərzində elektrik enerjisinin istehsalı “Azərenerji” ASC üzrə 6257,2 mln. kVt·ts (İES-lərdə 6041,3 mln. kVt·st, SES-lərdə 215,9 mln. kVt·st), Naxçıvan MR Dövlət Energetika Xidməti üzrə 81,64 mln. kVt·st (İES-lərdə 56,08 mln. kVt·st, SES-lərdə 17,13 mln. kVt·st, GES-də 8,43 mln. kVt·st), müstəqil elektrik stansiyaları üzrə 569,8 mln. kVt·st, “Azərişıq” ASC üzrə külək elektrik stansiyalarında isə 16,24 mln. kVt·st təşkil edib.

Hesabat dövründə elektrik enerjisinin idxalı 32,1 mln. kVt·st olub. İrandan 8,2 mln. kVt·st, Rusiyadan 15,3 mln. kVt·st, Gürcüstandan isə 8,6 mln. kVt·st elektrik enerjisi idxal edilib.

2021-ci ilin 3 ayı ərzində elektrik enerjisinin ixracı 509,0 mln. kVt·st olmaqla, ötən ilin müvafiq dövrü ilə müqayisədə 25,9 mln. kVt·st artıb. İrana 8,3 mln. kVt·st, Türkiyəyə 12,7 mln. kVt·st, Rusiyaya 23,1 mln. kVt·st, Gürcüstana isə 464,9 mln. kVt·st elektrik enerjisi ixrac edilib.

Bizi Telegram-da izləyin: t.me/indexaz