Kəmalə Alıyeva
Dünyanın müəyyən ölkələrində və yerlərində müxtəlif sosial media proqramları və ya mobil cihazlarla bağlı verilən qərarlar bəzən təəccüblü ola bilər. Bu yaxınlarda Cənubi Koreyada qəbul edilən qərar bütün texnologiya ictimaiyyətini təəccübləndirdi.
Index.az xəbər verir ki, Cənubi Koreya ordusu ölkə daxilindəki bütün hərbi qərargahlarda “iPhone”dan istifadəni qadağan edib.
Həssas məlumatların səs yazıları ilə qeyd oluna biləcəyini iddia edən qərar hazırda hava qüvvələri və ordu donanması tərəfindən müzakirə edilir.Yerli qəzetə danışan bəzi zabitlər son həftələrdə həm audio yazan, həm də üçüncü tərəf proqramlarına Koreya Hərbi Hava Qüvvələrinin intranet serveri vasitəsilə funksiyaları idarə etməyə imkan verən bütün cihazları qadağan edən bir elan verdilər.
Qəbul edilən qərarla qadağanın iyun ayından etibarən başlayacağı bildirilib. Telefonlardan başqa, ağıllı saatlar kimi taxıla bilən texnoloji aksesuarlar da tamamilə qadağandır. Ancaq yenə də yalnız “Apple”ə aid olanlar qadağandır.