Image description

“Bir neçə gün bundan əvvəl qaz sayğacları ilə bağlı baş verən fırıldaqlardan yazmışdım. Yazımda göstərmişdim ki, sayğaclar hesablama zamanı vətəndaşları aldadır və qazın keyfiyyəti çox aşağıdır. Azəriqaz İstehsalat Birliyi yazıma Instagramda uzun uzadı cavab yazıb məni ədalətli olmağa çağırmışdı. Ona görə də bu sahəni diqqətdə saxlamağa çalışdım. Bu gün Energetika Nazirliyinin öz saytında 2 fevral tarixli açıqlamasını oxudum. Bəlli oldu ki, 25-27 yanvar tarixlərində Energetika və İqtisadiyyat Nazirliyinin tabeliyində olan strukturlarla bəzi yoxlamalar aparıb. Məlum olub ki, "…araşdırma nəticəsində bəzi sayğacların sərfiyyat aşağı olduqda qaz həcmini normaya uyğun hesablamadığı müəyyənləşdirilib". Əlavə olaraq bildirilir ki, "… adıçəkilən ərazilərə verilən qazın keyfiyyət göstəriciləri də yoxlanılıb". Hər iki nazirliyə problemi araşdırdıqları üçün təşəkkür edirəm. Bununla yanaşı, qeyd edim ki, bu araşdırmanın elan olunan nəticəsi də qeyri-səmimidir”.

 

Bunu hüquqşünas Aslan İsmayılov deyib.

 

“Birincisi, "araşdırma nəticəsində bəzi sayğacların sərfiyyat aşağı olduqda qaz həcmini normaya uyğun hesablamadığı müəyyənləşdirilib" ifadəsi çox qeyri-müəyyəndir. Bu hissədə hökmən aydın şəkildə göstərilməlidir ki, "sərfiyyat aşağı olduqda" və "normaya uyğun hesablanmamaq" nə deməkdir? İkincisi isə əgər keyfiyyət yoxlanılıbsa nəticəsi niyə elan olunmayıb?” – o qeyd edib.

 

© Demokrat.az