Mirəli Qasımov
ABŞ prazidenti Donald Trampın gömrük rüsumları ilə bağlı yeni qərarı qlobal səviyyədə avtomobil qiymətlərini artıracaq.
İndex.az xəbər verir ki, idxal edilən avtomobillərə əlavə 25% gömrük rüsumu tətbiq etmək qərarına gələn Tramp nəhəng avtomobil sənayesi üçün böyük problemlərə zəmin yaradıb.
Ekspertlərin proqnozuna görə, qlobal avtomobil istehsalçılarını böyük böhran gözləyir.
Belə ki, beynəlxalq kredit reytinq agentliyi “Fitch Ratings” açıqlamasına görə, Tramp hökumətinin idxal olunan avtomobillərə əlavə 25% gömrük rüsumunun tətbiqi qərarı sektorda əhəmiyyətli dalğalanmalara səbəb olacaq.
Bu qərardan xüsusilə Yaponiya, Almaniya və Cənubi Koreyada avtomobil istehsal edən şirkətlər mənfi təsirlənsə də, qlobal sferada avtomobil qiymətlərinin 8-12% artacağı gözlənilir.