Kəmalə Alıyeva
Bir neçə ölkə COVID-19 pandemiyası və Ukraynadakı münaqişə, habelə milli təhlükəsizliklə bağlı narahatlıqlar səbəbindən ABŞ dollarından asılılığını azaltmağa çalışır.
İndex.az xəbər verir ki, bunu Beynəlxalq Valyuta Fondunun (BVF) idarəedici direktorunun birinci müavini Qita Qopinat deyib.
Onun sözlərinə görə, bəzi ölkələr beynəlxalq əməliyyatlar və ehtiyatlar üçün ABŞ dollarından ağır asılılıqlarını yenidən nəzərdən keçirirlər.
“COVID-19 pandemiyası və Ukraynadakı münaqişə də daxil olmaqla bir neçə illik qarışıqlıqdan sonra dövlətlər iqtisadi və milli təhlükəsizlik narahatlıqları əsasında ticarət tərəfdaşlıqlarını nəzərdən keçirirlər. Artan geosiyasi risklərə baxmayaraq, ABŞ dolları hələ də üstünlük təşkil edir. SWIFT ödəniş sisteminə əsasən, dollar ticarətin maliyyələşdirilməsinin təxminən 80%-ni təşkil edir”.
O qeyd edib ki, Çin yönümlü ölkələr arasında dəyişikliklər daha çox nəzərə çarpır: “Çin blokunda ABŞ dollarının ticarət maliyyəsi ödənişlərindəki payı 2022-ci ilin əvvəlindən azalıb”.