Bakı-Qazax yolunda avtobus qəzaya uğrayıb, bir nəfər ölüb

Bu gün səhər saat 10:30 radələrində Bakı-Qazax avtomobil yolunun 24-cü kilometrliyində qəza qeydə alınıb.

İndex.az xəbər verir ki, bu barədə “Report”a Baş DYP İdarəsinin inspektoru polis baş leytenantı Elvin Hacıyev məlumat verib.

Onun sözlərinə görə, 99-JN-189 dövlət qeydiyyat nişanlı “Baku Bus” sərnişindaşıma avtobusu yolun kənarında dayanmış Tacikistan dövlətinə məxsus 77-FF-02 qeydiyyat nişanlı “Volvo” markalı avtomobilə çırpılıb.

Hadisə nəticəsində 1 nəfər ölüb, 2 nəfər xəsarət alıb.