“Avrozona”nın 4 ən böyük iqtisadiyyatında iqtisadi artım proqnozları üstələyib.
İndex.az xəbər verir ki, Almaniya, Fransa, İspaniya və İtaliyanın iqtisadiyyatları 2024-cü ilin birinci rübündə proqnozlaşdırılandan çox böyüyüb.
Avropanın ən böyük iqtisadiyyatı olan Almaniyada iqtisadiyyat birinci rübdə əvvəlki rüblə müqayisədə 0,2% artıb.
Gözləntilərə görə artım 0,1% olacaqdı.
Avropanın ikinci ən böyük iqtisadiyyatı olan Fransa eyni dövrdə 0,2% böyüyüb.
2023-cü ilin son rübündə iqtisadi artım 0,1% olub.
Ölkədə illik inflyasiya 2,2%-lik proqnozu üstələyərək 2,4% təşkil edib.
İtaliya iqtisadiyyatı birinci rübdə 0,3% artıb.
Proqnozlar artımın 0.1% olacağı idi.
Dünən açıqlanan məlumatlar göstərdi ki, İspaniyada artım 0,7% olub.
İspaniyada iqtisadiyyatın 0,4% artacağı gözlənilirdi.