Bu ilin birinci rübündə Azərbaycan Dövlət Neft Fondunun (ARDNF) investisiya portfelinin dəyəri 57 milyard 014,1 milyon ABŞ dolları təşkil edib ki, bu da 2023-cü ilin birinci rübünün göstəriciləri ilə müqayisədə 3 milyard 576,47 milyon ABŞ dollar və ya 6,7 % çoxdur.
İndex.az bu barədə Fonda istinadən xəbər verir.
Məlumata görə, hazırda ARDNF-in investisiyalarının 69,5 %-i ABŞ dollarındadır. Bu isə 1 il əvvələ nisbətən 0,4 faiz bəndi azdır. İnvestisiya portfelində avronun payı dəyişməyərək 19,4 faiz bəndi olub.
Hesabat dövründə investisiya portfelində ingilis funt sterlinqinin payı 0,1 faiz bəndi artaraq 4,9 % qalıb.
Avstraliya dollarının payı dəyişməyərək 0,6 % qalıb, türk lirəsinin payı isə 0,3 % bəndindən 0,2 % bəndinə düşüb.
Rusiya rublunun payı ötən ilin ilk rübündə olduğu kimi 02 % qalıb, Çin yuanının payı isə 1 %-dən 1,1 %-ə artıb.
Həmçinin, 2023-cü ilin ilk rübü ərzində ARDNF yapon yeninin payı 1,4 %-dən 1,5 %-ə qalxıb, digər xarici valyutaların payı isə 2,4 faiz bəndindən2,6-ya qalxıb.