ABŞ ordusu: “İtmiş F-35 döyüş təyyarəsini tapmaqda bizə kömək edin”

ABŞ ordusu pilotun paraşütlə tullandığı F-35 qırıcısının tapılması üçün ictimaiyyətdən kömək istədi.

İndex.az xəbər verir ki, təyyarə bazar günü günortadan sonra Cənubi Karolina üzərində uçarkən yoxa çıxıb.

Adı açıqlanmayan pilot paraşütlə tullanaraq xilas olub. Hadisənin səbəbi hələlik bəlli deyil.

Çarlston şəhərinin şimalındakı iki göl ətrafında axtarışlar davam edir.

Qeyd edək ki, Lockheed Martin tərəfindən hazırlanan və dəyəri 80 milyon dollar olan F-35-lər dünyanın ən qabaqcıl döyüş təyyarələrindən biridir.