Kəmalə Alıyeva
2022-ci il kriptovalyutalar və kripto şirkətləri üçün yaxşı il olmadı. Xüsusilə enişlər yeni ultra zəngin investor kütləsi yaratdı. Son araşdırma ilə dünyanın ən zəngin “Bitcoin” investorlarının yaşadığı ölkələr müəyyən edilib.
Araşdırma nəticəsində məlum olub ki, “Bitcoin” milyonçularının çoxluq təşkil etdiyi ölkələr arasında ABŞ, Çin və Kanada var. Dünyanın 40 ən zəngin kriptovalyuta investorunun 65 faizi ABŞ-da yaşayır.
Məlumatlara görə, hazırda nüfuzdan düşmüş FTX-nin qurucusu və keçmiş baş direktoru Sam Bankman-Fried (SBF) 2022-ci ilin ən zəngin kripto investoru seçilib. SBF-nin xalis sərvətinin təxminləri bu ilin əvvəlində 20,9 milyard dollara çatıb. Sam Bankman-Fried-in şirkətinin müflis olduğunu nəzərə alsaq, onun aktivlərinin xalis dəyəri hələlik qeyri-müəyyən olaraq qalır.
“Bitkoin”in (BTC) yaradıcısı kimi tanınan Satoshi Nakamoto izləmə siyahısında ikinci yerdədir. Nakamotoya aid olduğu müəyyən edilən bitkoinlərin dəyəri 20,5 milyard dolları ötüb, naməlum şəxs və ya şəxsləri dünyanın ən zəngin kriptovalyuta investorlarından birinə çevirir.
Siyahıda üçüncü yerdə Binance CEO və həmtəsisçisi Changpeng Zhao qərarlaşıb. Zhaonun xalis sərvəti 17,4 milyard dollar olaraq qiymətləndirilir. Nəhayət, “AntMinet” mədən kompüterləri seriyasının baş dizayneri Micree Zhan, “Ethereum”un həmtəsisçisi Cozef Lubin və “Upbit Exchange”in həmtəsisçisi Song Chi-hyung siyahıda müvafiq olaraq 4-cü, 5-ci və 6-cı yerləri tuturlar.