![“Facebook” istifadəçilərinin sayı açıqlandı](https://index.az/wp-content/uploads/2022/06/OGGLXAIY4ZLCFGM3NYFG37OXRQ-scaled.jpg)
Bu ilin may ayında Azərbaycanda “Facebook” sosial şəbəkə istifadəçilərinin sayı aprel ayı ilə müqayisədə 3% və ya 156,2 min nəfər artıb.
İndex.az xəbər verir ki, iyunun 1-i tarixinə ölkə üzrə 5 255,1 min nəfər aktiv “Facebook” istifadəçisi qeydə alınıb ki, bu da ölkə əhalisinin 51%-ni təşkil edir.
Ötən ilin eyni dövrünün göstəricisi ilə müqayisədə isə istifadəçi sayı 22,1% və ya 977,1 min nəfər artıb.
İstifadəçilərin 63,2%-i kişilər, 36,8%-i isə qadınlardır. Ən böyük istifadəçi qrupu 25-34 yaş arası insanlardan (1 720,8 min) ibarət olub. Bu yaş istifadəçi kateqoriyası arasında kişilər 1 100,0 min nəfərlə liderlik edir.
Mənbə – APA