Kəmalə Alıyeva
Keçmişdən bu günə bir çox fərqli məhsulları ilə tanınan “Casio”, Yapon elektronika şirkətidir.
İndex.az xəbər verir ki, markanın tarixi və uğur hekayəsi həm texnoloji inkişaflara, həm də istifadəçi ehtiyaclarına cavab verməsi ilə seçilir.
1946-cı ildə Tadao Kashio tərəfindən Tokioda qurulan “Casio”, bazara “Yubiwa Pipe” adlı siqaret tutacağı kimi innovativ məhsullarla girdi. Bu məhsul sayəsində siqaret çəkərkən barmaqlardan istifadə edilir.
Onun elektronika dünyasına girişi 1957-ci ildə, tamamilə elektrik kalkulyatorunun istehsalı ilə baş verdi. O, 14 rəqəmə qədər əlavə edə, çıxa, vura və bölə bilən məhsulları ilə kalkulyatorlar üçün tarixi dönüş nöqtəsi oldu.
Daha sonra bir çox kalkulyator istehsal etməyə davam etdi. Bu arada, Yaponiyadan kənarda genişlənməyə davam etdi və Almaniya kimi müxtəlif ölkələrdə filial və ofislərini açdı. 1980-ci ildə sözün həqiqi mənasında rəqəmsal inqilab baş verdi.
“Casio” 1984-cü ildə buraxılmış “Casio Touch Screen” saatı ilə bazara rəhbərlik edirdi. Ekranda toxunma funksiyası var idi və istifadəçilər ekrandakı seçimlərə toxunaraq saat parametrlərini tənzimləyə bilirdilər. 40 il əvvəl buraxılan bu texnologiya bugünkü ağıllı saatların tətikçisi oldu.
1980-ci illərdə saatlarda fərqli xüsusiyyətlər təklif edərək insanların diqqətini çəkməyi bacardı. Məsələn, 1983-cü ildə ortaya çıxan “G-Shock” seriyası davamlılığı və müqaviməti ilə yüksək qiymətləndirilib. Əslində bu seriya sayəsində dünya bazarında və saat bazarında lider oldu.
1990-cı illərdə başqa məhsullar da istehsal edirdi.
90-cı illərdə “Casio” musiqi alətləri, mobil telefonlar, rəqəmsal gündəliklər, printerlər, rəqəmsal kameralar və hətta portativ televizorlar kimi geniş çeşiddə məhsullara çataraq texnologiya dünyasındakı köklərini gücləndirdi.
“Casio” bu gün texnoloji yenilikləri ilə seçilən və kalkulyatordan saata qədər bir çox məhsulu ilə gündəlik həyatımızda özünə yer tapan qlobal brend kimi özünü göstərməyə davam edir.