“Real Madrid” ötən mövsümdə 1 milyard avro gəlir əldə edib

İspaniyanın “Real Madrid” futbol klubunun 2023/24 mövsümündəki gəliri 1,073 milyard avro təşkil edib.

İndex.az xəbər verir ki, bu barədə Madrid klubunun saytı xəbər verir.

Məlumata görə, bu məbləğə oyunçu transferləri daxil deyil. Əvvəlki mövsümlə müqayisədə gəlir artımının 27% olduğu qeyd edilir.

2023/24 mövsümündə klubun xalis mənfəət 16 milyon avro təşkil edib.

Qeyd edək ki, ötən mövsüm “Real” UEFA Çempionlar Liqasının, İspaniya çempionatının və İspaniya Superkubokunun qalibi olub.