Rusiyanın Xarkov vilayətinə qarşı başlatdığı əməliyyatla əlaqədar Ukrayna əsgərləri bölgənin bəzi yerlərindən geri çəkilir.
İndex.az xəbər verir ki, Ukrayna ordusu şiddətli atəşə məruz qalan iki bölgədəki qoşunlarının “daha uyğun” yerlərə yerləşdirildiyini açıqlayıb.
Kiyev rəhbərliyi iki ildən artıqdır davam edən müharibədə geri çəkilmək əvəzinə bu ifadələrə üstünlük verən dildən istifadə edir.
Ukrayna ordusu Lukyantsi və Vovçanskdakı qoşunların əsgərlərin həyatını qorumaq və itkilərin qarşısını almaq məqsədilə geri çəkildiyini açıqlayıb.