Kəmalə Alıyeva
Dünyanın ən böyük avtomobil şirkətlərindən biri olan “Tesla”, son yüksəlişi ilə bazar dəyərini son dərəcə uğurla artırdı. Lakin son hadisələrlə bu vəziyyət dəyişməyə başlayıb.
İndex.az xəbər verir ki, “Tesla”da işlər gözlənildiyi kimi getməməyə başlayıb. “Tesla”nın bazar dəyəri xeyli azalıb.
Bu ciddi itki “Tesla”nı çətin vəziyyətə sala bilər.
28 fevral tarixinə baxdığımızda “Tesla”nın bazar dəyərinin tam olaraq 643,46 milyard dollar olduğunu görürük. Ancaq düz bir həftə sonra, martın 6-da bu dəyər 566 milyard dollara qədər azalmış kimi görünür.
“Tesla”nın 77 milyard dollar zərər çəkməsinin iki mühüm səbəbi var. Bunlardan biri də Almaniyanın Berlin şəhərindəki böyük fabrikdə baş vermiş yanğındır. Yanğın zamanı fabrikə ciddi ziyan dəyib və istehsal dayanıb.
Digər səbəb Çində satışların keçən ilin fevral ayı ilə müqayisədə 19% azalmasıdır. Enişin səbəbi Çinin Ay Yeni ili zamanı rəqib şirkətlərin qiymətlərini yeniləməsi olub. “Tesla” bununla bağlı rəqabət edə bilmədi və BYD daha ucuz modellər sataraq bazarı ələ keçirdi.