Noyabr ayında “Disney”ə qayıdan CEO Bob İgerin ilk işi işçi qüvvəsini ixtisar etmək olub.
İndex.az xəbər verir ki, “Disney” xərcləri azaltmaq üçün yayın əvvəlinə qədər 7000 işçisini işdən çıxaracaq.
İxtisarlar 3 mərhələli şəkildə həyata keçiriləcək və ilk mərhələ bu həftədən başlayacaq.
“Disney”in CEO-su Bob İger ixtisarlarda ikinci mərhələnin aprel ayında, üçüncü mərhələnin isə yayın əvvəlində olacağını açıqladı:
“Çətin vaxtlarda biz həmişə lazım olanı etməliyik ki, “Disney” istifadəçilərinə möhtəşəm əyləncə təqdim etməyə gələcəkdə də davam edə bilsin”.
Şirkətin təxminən 220.000 işçisi var və onlardan 166.000-i ABŞ-da işləyir. İşdən çıxarılmalar, şirkətin direktorlar şurasının Bob Çapeki vəzifəsindən kənarlaşdırmasından sonra, noyabr ayında Bob İgerin “Disney”ə ikinci qayıdışı ilə başladı.