Dövlət qeydiyyatı olmayan 128 adda dərman vasitəsi satışdan çıxarılıb

Keçən il müddətində müəyyən edilmiş qaydada ümumilikdə 361 əczaçılıq müəssisəsində plan üzrə və plandankənar nəzarət yoxlaması aparılıb.

İndex.az xəbər verir ki, bu barədə Nazirlər Kabinetinin 2022-ci ildə fəaliyyəti haqqında hesabatda bildirilib.

Hesabatda qeyd olunub ki, keçirilən nəzarət yoxlamaları nəticəsində dövlət qeydiyyatı və ya sertifikatı olmayan 128 adda 285 qutu dərman vasitəsi apteklərin məsul şəxslərinin imzalı razılığı ilə satışdan çıxarılaraq saxlanca götürülüb, nöqsanlar aşkarlanan 82 əczaçılıq müəssisəsinə İnzibati Xətalar Məcəlləsinin tələblərinə uyğun protokol tərtib edilib.