Kəmalə Alıyeva
“Kia”nın elektrikli SUV modeli, yeni “EV9” rəsmi olaraq təqdim olundu. Üç cərgəli oturacağı olan avtomobilin bucaq dizaynı əsasən konsepsiyaya sadiqdir.
Yeni “Kia EV9″un burun hissəsi kifayət qədər hündür işlənib. Ön tərəfdə şaquli işıqlar və gündüz LED-ləri ilə əhatə olunmuş “rəqəmsal pələng üzü” diqqəti çəkən ilk detaldır. Bamperdə böyük mərkəzi hava girişi və boz qoruyucu lövhə diqqəti cəlb edir.
Profildəki elektrik SUV-a baxdığımızda yumşaq səthlərin sərt xətlərlə qarışdığını görürük. Bundan başqa, gizli qapı tutacaqları, aerodinamik dizayn və ikirəngli təkərlər diqqəti çəkən detallar arasındadır.
“Kia EV9″un interyerində üzərində fiziki idarəetmə düymələri olan ikirəngli sükan var. Arxa tərəfdə 12,3 düymlük ekranlardan ibarət panel diqqət çəkir.
Oturacaqlar 6 və ya 7 nəfər ola bilər. İkinci sırada istifadə edilən sürücü oturacağı 180 dərəcə geriyə çevrilə bilir.
“Kia EV9″un texniki detalları hələ açıqlanmayıb. Sözügedən model qrupun E-GMP platformasında qurulub. Fotoşəkillərdən birində göründüyü kimi, avtomobil ən azı 480 kilometr məsafə qət edə bilər. Yazda istehsalına başlanacaq modelin qiyməti hələ açıqlanmasa da, 56 min dollar civarında olduğu düşünülür. Sözügedən model Şimali Amerika bazarı ilə yanaşı Avropada da satılacaq.