“Lenovo” uzanan ekrana sahib noutbuku nümayiş etdirdi

“Tech World 2022” tədbiri üçün konsept olaraq nümayiş etdirilən “Lenovo” imzalı konsept noutbuku yuxarıya doğru uzanan ekranı ilə səs gətirdi.

İndex.az xəbər verir ki, şirkət bu modeli bir az daha cilaladı və “MWC 2023″ə gətirdi. Ancaq, cihaz hələ də satışa hazır deyil.

Elastik OLED panel üzərində qurulan noutbuk bir düymə ilə ekran sahəsini böyüdə bilir. Ekran sahəsi üfüqi deyil, şaquli olaraq böyüyən model, hətta ən yüksək səviyyədə əlavə bir ayağa ehtiyac duymur.

Qeyd edək ki, şirkət artıq qatlana bilən ekranlı noutbukların satışı ilə məşğul olan bir addır və hətta bu baxımdan bazarda lider adlardan biridir. Bir çox rəqiblərindən fərqli olaraq “Lenovo” yeni texnologiyalardan qorxmur, çünki şirkət böyük maliyyə gücünə malikdir.