Kəmalə Alıyeva
Ronaldinyo Cerard Pikenin “Krallar Liqası”nda “Porcinos FC” ilə futbola qayıtmağa hazırlaşır.
Braziliyalı ulduz “Krallar Liqası”nda İbai Llanosun komandası “Porcinos FC”yə 12-ci adam kimi qatılıb. Turnirin rəsmisi tərəfindən yayımlanan videoda Llanos və Pikenin kafedə oturaraq daha bir oyunçuya ehtiyac olduğunu müzakirə etdiyini görülür. Pike “İstədiyinizi götürün” deyir. Llanos qarşı masadakı oturan adama deyir. “Bəs bu oğlan? Hey, sən!” – deyə qışqırır, Ronaldinyo isə arxaya dönüb sağ əli ilə imza atır.
Ronaldinyo Pike və Llanosla müsahibəsində “Mən sadəcə əylənmək istəyirəm” deyib.
Qeyd edək ki, bu liqada hər komandaya hər həftə təqaüdçü futbolçu və ya hətta qeyri-futbol keçmişi olan 12-ci futbolçu ilə müqavilə imzalamağa icazə verilir. Ronaldinyo, İker Kasilyas Kun Agüero və Xavier Hernandezdən sonra bu liqaya qatılan sonuncu super ulduzdur.